Chumm mir wei es Liecht azünte

---

Chumm mir wei es Liecht azünte.
Dass es hell wird i der Nacht.
Und dr ganze Wält verkünde.
Was dr Himmel üs het bracht.

Die, wo truurig sy, söll’s tröschte.
Und ne säge, i bi da.
Dass ir Not, ou i dr gröschte.
Niemer söll alleini stah.

Zäme wei mer’s wytertrage.
Jede söll sis Beschte gä.
Mitenand, da chöi mer’s wage.
Ou di gröschte Hürde z nä.

Chumm mir wei es Liecht azünte.
Dass es hell wird i der Nacht.
Und dr ganze Wält verkünde.
Was dr Himmel üs het bracht.

Ds Liecht, das söll für alli brönne.
Niemer söll vergässe sy.
Jedes söll a d Wermi chönne.
Syg es no so winzig chly.

Lueg, wi’s lüchtet uf de Gsichter.
Tuusig Spiegle i dr Nacht.
Bis es ganzes Meer vo Liechter.
D Ärde hell und fründlech macht.

Chumm, mir wei es Liecht azünte.
Dass es hell wird i der Nacht.
Und es ganzes Meer vo Liechter.
D Ärde hell und fründlech macht.

Chumm mir wei es Liecht azünte.
Dass es hell wird i der Nacht.
Und dr ganze Wält verkünde.
Was dr Himmel üs het bracht.