E König ohni Chrone

---

Aus König ohni Chrone, aus König ohni Gäud,
so bisch du hüt gebore, so chunnsch zu üs uf d’Wäut.

Doch dis Rych isch nid vo dere Wäut!
Dis Rych isch ds Himmurych.
I dim Rych, dert gits kei Goud u Gäud!
Armi u Riichi si gliich!

Aus König ohni Chrieger, ligsch du im dunkle Stau.
Me gseht dür d Späut viu Liechter, vom grosse Wäutenau.

Doch dis Rych isch nid vo dere Wäut!
Dis Rych isch ds Himmurych.
I dim Rych, dert gits kei Goud u Gäud!
Armi u Riichi si gliich!

Aus König ohni Waffe, chunsch du vom Himmusthron,
wiu du möchtisch Friede schaffe, zaausch du der gröschti Lohn.

Doch dis Rych isch nid vo dere Wäut!
Dis Rych isch ds Himmurych.
I dim Rych, dert gits kei Goud u Gäud!
Armi u Riichi si gliich!

Aus König vo de Arme, wotsch du es Vorbiud sii.
Du hesch mit üs Erbarme, u du liebsch Gross u Chlii.
Doch dis Rych isch nid vo dere Wäut!
Dis Rych isch ds Himmurych.
I dim Rych, dert gits kei Goud u Gäud!
Armi u Riichi si gliich!